.............................QUAN VEIGATZ EN ISTE BLOG UNA PAROLA D´ATRA COLOR... PUNCHATZ DENCIMA YE UN ENRASTRE!!

O MUNDO YE UN MOCADOR

Con isto d´a globalizazion o mundo cada begada se torna mas chicorron. Isto rebaila cosas buenas y malas. En ista ocasion ye una cosa buena, curiosa y que me fa goyo contar.

Fa ya un tiempo boi conoxer a Francho, (a suya pachina web ye simplamen orichinal) con qui boi coinzidir barias begadas o mesmo año.
As nuestras afizions comuns, entre ellas a Cozina China, ba fer que prenzipiara una buena relazion, amas d´un intres comun per amillorar o nuestro ran en o difizil arte de conseguir amanar mas os nuestros platos t´o regusto orichinal y berdadero d´os Restaurans Chinos.
(O zaguer trunfo ba estar conseguir o regustico d´os tallarins fritos. Antimas d´a salsa de Soja, mos mancaba o ingredien secreto!! O bin de Roz)

A dificultad ye trobar os ingrediens correutos. Muitas begadas os libros ozidentalizan as sabors,dan ingediens parellanos u muito chenerals.)
Uno d´ixos yera o bin de roz. Bi abra lo menos 6 tipos de bin que bi aiga bisto como Sake, mirin o mijiu.







Ta os Fideos Fritos o millor bin ye iste d´as fotos. (Cal dizir que tardamos en trobar chustamen iste bin, pero a la fin conseguimos un plato perfeuto.)






Muitas charradas dimpues, y tras o biache de Francho a Boston, (ba dizir-me que prebo as galletas d´a suerte, amen d´atra milenta de platos mas de cualsiquier puesto d´o mundo que se tos pase per o tozuelo) tornamos a fer-mos un cafe an ba dizir-me que tornaba a biachar a Boston, y que si trobaba as galletas d´a suerte atra begada mas m´en mercaba y m´en trayeba.
A mala suerte ba fer que no en trobara ni en Boston, ni en a meya dozena de ziudaz que ba bisitar en o suyo biache.

Y as casualidaz (Ista teoria ye ta esmos bien dispiertos, ta un domigo de maitins ye una mica embolicau) ban fer que fa dos semanas trobara as galletas d´a suerte en...
EXEA D´OS CABALLERS.
Yera mercando Lambrusquito con a mia nobia en o Lidl ta puyar a zenar a casa d´uns amigos en Santa, cuan de botiboleyo trobe as galletas d´a suerte!!

Dimpues de buscar as galletas por meyo mundo, yeran en o Lidl de Exea...
Ta pixar y no chitar chisla....





PD: Por a calendata de caduzida, no se cucaran as galletas. Alzo un par ta cuan tornes fer-mos un cafe! A plantar Firme ;-)

APM

Alguna Pregunta Més "APM" ye un programa de zapping en clau d´umor de TV3.
Dende fa un tiempo quereba meter bella coseta, pero ye que me´n rido tantismo que a la fin estoi por meter-ne totas semanas.
Per agora fico a
O chitan d´os Joyos


L´esfensor d´o espeutador



as 20 millors frases


as millors de 2007


o espeutador balien

SOZ O BLOG!

Toz busatros, sigaz muitismos o poquez, soz a lo menos a mitá d´o blog!
(Yo diziria que o blog ye a la fin a chen que lo leye, que busatros soz o blog.)
No goso de escribir muito, no goso de dixar muitos comentarios, pero leyer tos leigo siempre.
Dito isto, tos dixo bels bideos que de seguras os cuacaran.

O primer bideo ye d´una colla Tedesca: CORVUS CORAX
Si tos fa goyo LURTE, ista atra tamien. (Podria dizir-se que son os Lurte d´Alemania)
A canta se dize Saltarello, y parixe estar que yera un baile meyebal Italiano o bella cosa parellana. (o mio ran d´italiano y aleman ye chicot y no he sacada mas informazion.)



Y a custion ye que ista canta ha d´estar ta os grupos de Folk de per alla como ta nusatros a Jota de Bujaraloz, a Culebreta o mesmo cualsiquier canta que se tos ocurra d´ixa mena.

Exemplos...






Iste me cuaca asabelo





UN AÑET DE DIAPLE.


Güe fa un añet que prenzipie a escribir o blog con a clara intención d´amillorar o mio ran d´Aragones. [Ye platero que encara en amenisto ;-)]

Atra enchaquia yera escribir sobre totas ixas cosas que me cuacan, cosas cutianas, frikis… Tot ixo que, por un regular, amanixe per asti y fer-lo en Aragones.

A mia intinzion ye fer un blog entreteniu, ta enfolgar 5 menutez a tot qui se i amane.
Aguardo haber-lo consiguiu bella begada.


Tos agradezco os buestros comentarios y que encara tengaz ganas de continar leyendo iste blog.





DENTRO DE 3 SEMANAS A ENGUERADA.

Fa unas semanas se feban publicas as primeras imachens d´a nueba pelicula de Pedro Almodovar.






Güe s´ha feito publico o cartel.



En ista ocasion Almodovar rezenta a falordia d´un ombre que bibe, escribe y ama en a escurelda. Fa 14 añadas trafego a suya bista y a Lena, a muller d´a suya bida. Asinas prenzipia ista falordia de " amour fou" como l´ha definiu o mesmo Almodovar.